《思思念念》Su-su-liām-liām

黃思婷N̂g Su-tîng

------------------------------------------

你對阮的關心

lí tuì gún ê kuan-sim

是親像冬天火

sī tshin-tshiūnn tang-thinn hué

予阮思思念念

hōo gún su-su-liām-liām

啊溫暖著山雪

ah un-luán tio̍h suann-seh

你欲來離開阮

lí beh lâi lī-khui gún

啊無講半句話

ah bô kóng puànn-kù uē

予阮想著目屎流

hōo gún siūnn tio̍h ba̍k-sái lâu

阮對你的真心

gún tuì lí ê tsin-sim

是永遠袂後悔

sī íng-uán buē hiō-hué

每日思思念念

muí-ji̍t su-su-liām-liām

啊你敢會體會

ah lí kám ē thé-huē

你欲來離開阮

lí beh lâi lī-khui gún

啊請你講詳細

ah tshiánn lí kóng siông-sè

這點你敢做袂到

tsit tiám lí kám tsuè buē kàu

啊~無情講無話

ah~ bô-tsîng kóng bô-uē

抑是無心講無話

ia̍h-sī bô-sim kóng bô-uē

請你毋通予阮無塊揣

tshiánn lí m̄-thang hōo gún bô-tè tshuē

啊~心冷講無話

ah~ sim líng kóng bô-uē

抑是另外有別个

ia̍h-sī līng-guā ū pa̍t-ê

請你毋通放捒阮一个

tshiánn lí m̄-thang pàng-sat gún tsi̍t-ê

你對阮的關心

lí tuì gún ê kuan-sim

是親像冬天火

sī tshin-tshiūnn tang-thinn hué

予阮溫暖

hōo gún un-luán

予阮啊思思念念過

hōo gún--ah su-su-liām-liām kuè

暫時失志

tsiām-sî sit-tsì

何必啊計較遐爾濟

hô-pit--ah kè-kàu hiah-nī tsuē

毋通放捒阮一个

m̄-thang pàng-sat gún tsi̍t-ê

----------------------------------